वाघाचे पंजे---१०
चोराच्या वाटा....
आपण आपल्या दुसरीतल्या मुलीला "मार्क कमी का मिळाले ?" म्हणून दटावले की हमखास उत्तर मिळते की "बाबा, जया तर नापासच झालीय." आता जयाच्या नापास होण्याने हिचे कमी असलेले मार्क का ज्यास्त होतात ? पण हे असेच चालते व आपण ह्याला कायम फशी पडतो. भ्रष्टाचाराचेही असेच आहे. शरद पवारांच्या मानाने, कपिल सिबल हे तर धुतल्या तांदळासारखेच आहेत. हे आपल्याला लगेच पटते. अण्णांनाही ते पटते. शांती भूषण हे स्वत: एकेकाळी कायदेमंत्री होते. त्या काळात त्यांनी लोकपाल-बिल का नाही आणले ? असे कोणी म्हटले की त्यांची १३६ कोटीची मिळकत आपल्याला संशयास्पद वाटायला लागते. मग त्यांच्या सिड्या बाहेर आल्या की भले भले म्हणू लागतात की जर पवारांना आपण नको म्हटले तर ह्यांनाही नकोच म्हणावे.
ह्या असल्या विचारात आपली गल्लत कुठे होते ? नीट कप्प्याकप्प्याने विचार न केल्याने. ही कमीटी कशाची आहे ? तर लोकपाल-बिलाचा मसुदा करायची. त्यात कोण हवे ? तर ज्यांना मसुदा करण्याची माहीती आहे, कायदा कसा व्यवस्थित करावा, त्यात पळवाटा कशा ठेऊ नयेत ही माहीती असणारे. अण्णांना तर ही काहीच माहीती नाही. मग ते कशाला हवेत ? तर राजकारणी लोक सोयीस्करपणे एकतर कायदा/ बिल आणण्याचे टाळतील व आणला तरी लुळा-पांगळा असा ठेवतील अशी भीती वाटते, व त्यांच्यावर वचक हवा म्हणून. आता असे बिल तयार करण्यासाठी भ्रष्टाचारी राजकारणी कसा कसा भ्रष्टाचार करतात हे माहीत असणारे लोक असावेत की ज्यांना भ्रष्टाचार म्हणजे कसे लिहायचे बुवा, असे सांब-सदाशिव नैतिक चारित्र्याचे लोक असावेत ?
पूर्वी म्हणायचेच ना, की चोराला पकडायचे असेल तर चोरालाच सांगा, कारण चोराच्या वाटा चोरांनाच माहीत असतात. ( टु कॅच ए थीफ, सेट ए थीफ ! ). पोलीस स्वत: शुद्ध चारित्र्याचा असून काय उपयोग, त्याला चोराला पकडता आले पाहिजे. आणि हे काही आजकालचे विचार नाहीत. थेट तुकाराम महाराजांपासून चालत आलेले आहेत. ते म्हणाले होते : अति जालें उत्तम वेश्येचें लावण्य । परि ते सवासीण न म्हणावी ॥ उचित अनुचित केले ठाया ठाव । गुणां मोल वाव थोरपण ॥ शूरत्वावांचूनि शूरांमाजी ठाव । नाहीं आयुर्भाव आणिलिया ॥ तुका म्हणे सोंग पोटाचे उपाय । कारण कमाईंविण नाहीं ॥.
असे जर आहे तर मग कायदा/बिलाचा मसुदा करण्यासाठी फक्त योग्यता व दृष्टिकोण पहावा. जर वकीलाने १३६ कोटीची माया चोरांना पकडून केलेली असेल, वा चोरांना पळून जायला मदत करून मिळविलेली असेल तरीही त्याला पळवाटा चांगल्याच माहीत आहेत असेच सिद्ध होते, व तो योग्यच ठरतो. चोर पकडायला चोर नेमावा ह्या न्यायाने खरे तर अमरसिंहानाच ह्या कमीटीवर नेमले तर चांगले. उगाच चारित्र्याचा निष्कलंक असण्याचा बाऊ करण्यात काय अर्थ ?
जंगलात वाघाला पकडायचे असेल तर तो पाणी प्यायला केव्हा येतो, हे त्याच्या पंजांच्या ठशांच्या खाणाखुणावरून शिकारी लोक ठरवतात. ते वाघाला पाणी पिताना त्याची शिकार कशी करायची असा अहिंसेचा विचार करीत नाहीत. एवढेच कशाला काही मचाणावरचे शिकारी तर खाली बकरीला वाघाच्या तोंडी देण्याची व्यवस्था करूनच सरसावून बसतात. वाघांच्या पंज्यांवरून सावज हेरायचे असेल तर अण्णांनीही अशी एखादी बकरी बांधून बघायला हरकत नाही. शिकार साधल्याशी मतलब, शेळी वातड आहे का मऊ ते वाघ बघेल....!
----------------------------------------------------------------------------------------
-----------------------------------------------------------------------------------------
मंगळवार, १९ एप्रिल, २०११
रविवार, १० एप्रिल, २०११
जेपीएल चा वर्ल्ड-कप
अखेर जेपीएल चा वर्ल्ड-कप अण्णाज फास्ट-लोकपाल्स नी जिंकला ! अहो, जेपीएल म्हणजे जंतरमंतर-पाल-लीग ! फायनल होती मनमोहन्स अडियल्स विरुद्ध. तसे अण्णाज फास्ट लोकपाल्स हे अंडर-डॉग्जच होते. राळे-गण-सिद्धी हे कसे पाकीस्तानच्या रावळ-पिंडी सारखेच वाटते. पण तिथले अण्णा हे खरेच फास्ट बोलर आहेत. रावळपिंडी एक्सप्रेस पेक्षा त्यांचे फेकणे भारी असल्याने महाराष्ट्रातले लोक त्यांना राळेगण-एक्स्प्रेस असेच म्हणतात. त्यांनी आत्तापर्यंत इतकी फेकाफेक केलेली आहे व इतके फास्टस केलेले आहेत की "मॅक्डोनाल्ड" ह्या आंतर-राष्ट्रीय फास्टफुड चेनने त्यांना आपले ब्रॅंड-ऍंबॅसेडरच केले आहे. ( धिस इज रियली ए फास्ट वन ! आणि ह्यात एकप्रकारचा सूक्ष्म व मनमोहक अंतर्विरोध आहे तो असा, की उपवास करणारा हा फास्टफुडचा ब्रॅंड-ऍंबॅसेडर !).
मनमोहन्स अडियल्स ह्यांना जंतर-मंतर हा व्हेन्यूच पसंत नव्हता. त्यांचे म्हणणे तिथले पिच इतके अंडर-प्रिपेअर्ड आहे की तिथे काहीही फेकले तर ते खस्सकन उसळते ! आणि मग कपाळमोक्ष ! त्यापेक्षा लोकसभेचे पिच कसे गुळगुळीत ! ६२ वर्षे वापरून वापरून चिकने झालेले . तिथे डेडली बाऊन्सर्स टाकले तरी ते अंडर-आर्म टाकल्यासारखे चोपता येतात. पण अण्णाज फास्ट लोकपाल्सची तिकडे मेंबरशिप नाहीय, म्हणून त्यांना मज्जाव आहे. मग मॅच कशी होणार ? मग असे डील झाले की अण्णाज फास्ट लोकपाल्स जंतर-मंतरला खेळतील व रिव्हयू सिस्टिमने मग टू-जी-प्लेयर-सिबल, ह्यांच्या होमग्राऊंडवर, मनमोहन अडियल्स आपली ताकद दाखवतील.
पहिलाच चेंडू राळेगण-एक्सप्रेसचा, शरद पवारांवर उसळला . पवार जागच्या जागी उभे. थोडे पुढे झुकतात तोच केजरीवालने स्टंप्सच उडवले. झाले, अण्णाज नी अपील केले, स्टंप्ड ! सिबलच लेग अंपायर होते. त्यांचे म्हणणे पडले की पवारांनी अटेम्प्टच केला नाही, तर आऊट कसे काय ? शिवाय सरकार कोणाचेही असले तरी पवार नेहमीच इन असतात, आऊट कधीच होत नाहीत, असा नियमच आहे . फास्ट लोकपाल्स नी त्यांचा पहिला रिव्ह्यू वापरला. मोठ्ठया पडद्यावर स्लो-मोशन मध्ये रिव्हू सुरू झाला. अण्णांचा पाय रेषेच्या आतच होता, त्यामुळे तो नो-बॉल तर नव्हता. पण बॉलचा रोख होता लव्हासा, बलवाचे विमान, गोयंका ह्या तीन टारगेटसवर (स्टंप्स ) . बॉलचा रोख त्याच लाइनीत होता, जसे कोणावर हमखास व डायरेक्ट आरोप असावेत तसा. अंपायर सिबल, चिकी चघळत, मेन थर्ड अंपायरेस कडे आशाळभूतपणे बघत होते. अंपायरेस मॅडम दक्षिणेत निवडणुकीच्या दौर्‍यावर ! त्या तिथेच एक कटाक्ष टाकत विचार करू लागल्या, द्यावे का देऊ नये,... असे सारखे होत होते. पवारांना कधी नव्हे तो झटका आला व ते सरळ तंबूकडे चालू लागले ! पहिली विकेट तर पडली !
मॅडम दिल्लीत नाहीत, सिबल काहीतरी हायटेक ( टू-जी, थ्री-जी, जिजी र जिजी र जी जी ) बोलताहेत, पवार रुसलेत, आणि पब्लिक अण्णांना चियर करते आहे, ह्या सगळ्या गोंधळात मनमोहन्स अडियल्स तर्फे कोणाला पाठवावे ते ठरेना. सिबल म्हणू लागले मीच खेळतो व अंपायरही मीच ! मग मनमोहन म्हणू लागले, आपण मॅचच सोडू , मग अण्णाची सेंच्युरी तरी होणार नाही !. सिबल म्हणू लागले, पण तसे लिहून देऊ नका . केजरीवाल, अग्निवेश, भूषण, बेदी, म्हणू लागले की नाही, जेपीएलचा वर्ल्ड कप आम्हाला पाहिजे व त्यासाठी तुम्हाला तशी नोटिफिकेशन ( मॅच सोडल्याची ), द्यावीच लागेल. अमेरिकेशी अणू-करार-लीग खेळताना नाही का तुम्ही लेखी दिले, बिल पास करवून घेतलेत ? मनमोहनांनी थर्ड अंपायरेस ला परत दक्षिणेत कॉल दिला. त्यांना वाटले, आपण मॅच सोडली तर मॅडम खूपच चिडतील. तर झाले विपरीतच. इकडे मॅडम खूशच होत्या. त्यांना तिकडे दक्षिणेत, राजाची दक्षिणा मिळालेली होती. त्या म्हणाल्या... दक्षिणा सलामत तो मॅच पचास ! त्या म्हणाल्या,... द्या की लिहून. येतं ना, लिहिता... गुरुमुखीत ?
जेपीएलचा वर्ल्ड कप अशा रितीने अण्णांच्या फास्ट लोकपालसनी उचलला. त्याला ओठ लावलेले अनेक फोटो काढल्या गेले. पवार म्हणू लागले, हा काही खरा कपच नाहीय ! खरा कप लव्हासालाच आहे ! लगेच सर्वच वाहिन्यांवर हायलाईटस सुरू झाले. मॅच इतक्या लवकर संपली की कित्येकांना ती नीट पाहताच आली नव्हती. ते डोळ्यात तेल घालून पाहू लागले व त्यांना कळू लागले की आयला...ही पण फिक्स्ड !
-----------------------------------------------------------------------------------------
अखेर जेपीएल चा वर्ल्ड-कप अण्णाज फास्ट-लोकपाल्स नी जिंकला ! अहो, जेपीएल म्हणजे जंतरमंतर-पाल-लीग ! फायनल होती मनमोहन्स अडियल्स विरुद्ध. तसे अण्णाज फास्ट लोकपाल्स हे अंडर-डॉग्जच होते. राळे-गण-सिद्धी हे कसे पाकीस्तानच्या रावळ-पिंडी सारखेच वाटते. पण तिथले अण्णा हे खरेच फास्ट बोलर आहेत. रावळपिंडी एक्सप्रेस पेक्षा त्यांचे फेकणे भारी असल्याने महाराष्ट्रातले लोक त्यांना राळेगण-एक्स्प्रेस असेच म्हणतात. त्यांनी आत्तापर्यंत इतकी फेकाफेक केलेली आहे व इतके फास्टस केलेले आहेत की "मॅक्डोनाल्ड" ह्या आंतर-राष्ट्रीय फास्टफुड चेनने त्यांना आपले ब्रॅंड-ऍंबॅसेडरच केले आहे. ( धिस इज रियली ए फास्ट वन ! आणि ह्यात एकप्रकारचा सूक्ष्म व मनमोहक अंतर्विरोध आहे तो असा, की उपवास करणारा हा फास्टफुडचा ब्रॅंड-ऍंबॅसेडर !).
मनमोहन्स अडियल्स ह्यांना जंतर-मंतर हा व्हेन्यूच पसंत नव्हता. त्यांचे म्हणणे तिथले पिच इतके अंडर-प्रिपेअर्ड आहे की तिथे काहीही फेकले तर ते खस्सकन उसळते ! आणि मग कपाळमोक्ष ! त्यापेक्षा लोकसभेचे पिच कसे गुळगुळीत ! ६२ वर्षे वापरून वापरून चिकने झालेले . तिथे डेडली बाऊन्सर्स टाकले तरी ते अंडर-आर्म टाकल्यासारखे चोपता येतात. पण अण्णाज फास्ट लोकपाल्सची तिकडे मेंबरशिप नाहीय, म्हणून त्यांना मज्जाव आहे. मग मॅच कशी होणार ? मग असे डील झाले की अण्णाज फास्ट लोकपाल्स जंतर-मंतरला खेळतील व रिव्हयू सिस्टिमने मग टू-जी-प्लेयर-सिबल, ह्यांच्या होमग्राऊंडवर, मनमोहन अडियल्स आपली ताकद दाखवतील.
पहिलाच चेंडू राळेगण-एक्सप्रेसचा, शरद पवारांवर उसळला . पवार जागच्या जागी उभे. थोडे पुढे झुकतात तोच केजरीवालने स्टंप्सच उडवले. झाले, अण्णाज नी अपील केले, स्टंप्ड ! सिबलच लेग अंपायर होते. त्यांचे म्हणणे पडले की पवारांनी अटेम्प्टच केला नाही, तर आऊट कसे काय ? शिवाय सरकार कोणाचेही असले तरी पवार नेहमीच इन असतात, आऊट कधीच होत नाहीत, असा नियमच आहे . फास्ट लोकपाल्स नी त्यांचा पहिला रिव्ह्यू वापरला. मोठ्ठया पडद्यावर स्लो-मोशन मध्ये रिव्हू सुरू झाला. अण्णांचा पाय रेषेच्या आतच होता, त्यामुळे तो नो-बॉल तर नव्हता. पण बॉलचा रोख होता लव्हासा, बलवाचे विमान, गोयंका ह्या तीन टारगेटसवर (स्टंप्स ) . बॉलचा रोख त्याच लाइनीत होता, जसे कोणावर हमखास व डायरेक्ट आरोप असावेत तसा. अंपायर सिबल, चिकी चघळत, मेन थर्ड अंपायरेस कडे आशाळभूतपणे बघत होते. अंपायरेस मॅडम दक्षिणेत निवडणुकीच्या दौर्‍यावर ! त्या तिथेच एक कटाक्ष टाकत विचार करू लागल्या, द्यावे का देऊ नये,... असे सारखे होत होते. पवारांना कधी नव्हे तो झटका आला व ते सरळ तंबूकडे चालू लागले ! पहिली विकेट तर पडली !
मॅडम दिल्लीत नाहीत, सिबल काहीतरी हायटेक ( टू-जी, थ्री-जी, जिजी र जिजी र जी जी ) बोलताहेत, पवार रुसलेत, आणि पब्लिक अण्णांना चियर करते आहे, ह्या सगळ्या गोंधळात मनमोहन्स अडियल्स तर्फे कोणाला पाठवावे ते ठरेना. सिबल म्हणू लागले मीच खेळतो व अंपायरही मीच ! मग मनमोहन म्हणू लागले, आपण मॅचच सोडू , मग अण्णाची सेंच्युरी तरी होणार नाही !. सिबल म्हणू लागले, पण तसे लिहून देऊ नका . केजरीवाल, अग्निवेश, भूषण, बेदी, म्हणू लागले की नाही, जेपीएलचा वर्ल्ड कप आम्हाला पाहिजे व त्यासाठी तुम्हाला तशी नोटिफिकेशन ( मॅच सोडल्याची ), द्यावीच लागेल. अमेरिकेशी अणू-करार-लीग खेळताना नाही का तुम्ही लेखी दिले, बिल पास करवून घेतलेत ? मनमोहनांनी थर्ड अंपायरेस ला परत दक्षिणेत कॉल दिला. त्यांना वाटले, आपण मॅच सोडली तर मॅडम खूपच चिडतील. तर झाले विपरीतच. इकडे मॅडम खूशच होत्या. त्यांना तिकडे दक्षिणेत, राजाची दक्षिणा मिळालेली होती. त्या म्हणाल्या... दक्षिणा सलामत तो मॅच पचास ! त्या म्हणाल्या,... द्या की लिहून. येतं ना, लिहिता... गुरुमुखीत ?
जेपीएलचा वर्ल्ड कप अशा रितीने अण्णांच्या फास्ट लोकपालसनी उचलला. त्याला ओठ लावलेले अनेक फोटो काढल्या गेले. पवार म्हणू लागले, हा काही खरा कपच नाहीय ! खरा कप लव्हासालाच आहे ! लगेच सर्वच वाहिन्यांवर हायलाईटस सुरू झाले. मॅच इतक्या लवकर संपली की कित्येकांना ती नीट पाहताच आली नव्हती. ते डोळ्यात तेल घालून पाहू लागले व त्यांना कळू लागले की आयला...ही पण फिक्स्ड !
-----------------------------------------------------------------------------------------
मंगळवार, २२ मार्च, २०११
-----------------------------------------------------------------------------------------------------------------------------------
वाघाचे पंजे---८
हसन-अली ह्या पुण्याच्या घोडेव्यापार्‍याला दोन वर्षांपूर्वी अटक करून त्याची जबानी चित्रित करणार्‍या एका पोलीस अधिकार्‍याला निलंबित करण्यात आले आहे. ज्या हसन अलीने ७०हजार कोटीचा नुसता कर बुडवला आहे व स्विस बॅंकेत ८ बिलियन डॉलर जमा केले आहेत, त्याच्यावर सर्वोच्च न्यायालय कारवाई करीत आहे. ह्या हसन अलीला दोन वर्षापूर्वी अटक करून त्याची जबानी चित्रित करणार्‍या महाराष्ट्राच्या एका पोलीस अधिकार्‍याला नुकतेच निलंबित करण्यात आले आहे. त्याचे नाव आहे देशभ्रतार.
भ्रतार म्हणजे नवरा. देशभ्रतार म्हणजे देशच ज्यांचा नवरा आहे तो . म्हणजे देशाची बायकोच. तर बायको कशी बायको सारखी हवी. तिने खालच्या मानेने घरकाम, चूल-मूल पहावे. नेमलेला बंदोबस्त, मंत्र्यांच्या ताफ्याला सुरक्षा, येता जाता मुजरा, सांगितलेल्या पकड, चौकशी कर, असे नेहमीची कामे पहावीत . बाहेरच्या भानगडीत तिने कशाला पडावे. हसन-अली ह्याला केंद्र सरकारचे ई-डी खाते ७०हजार कोटीचा कर बुडवला म्हणून कारवाई करीत आहे. हिने त्यात कशाला पडावे ? बरे पडलेच तर राजरोस मुलाखतीची सीडी काढून त्याचा पुरावा कशाला ठेवावा ? बाई माणसाने स्वत:ची अक्कल कशाला चालवावी ? कोणत्या तीन मुख्यमंत्र्यांचे पैसे तो हवाला मार्गे गुंतवीत होता, हे काय पोलीसांचे काम आहे का ? त्यांनी कसे "बंदोबस्त" म्हटले की बंदोबस्त करावा. गृहमंत्री कोणाला व कशाला पोलीस कमिश्नर म्हणून नेमत आहेत हे त्याला पाहण्याची काय गरज होती ? आणि वर मागून मागून लाच मागितली ती सुद्धा किती ? तर फक्त एक कोटी ! अशाने आधीच पांडू हवालदाराचा एवढुसा असलेला , मान , कमी होतो ना ! बरे हसन अली किती लाख कोटींचा मालक आहे हे ह्याला माहीत असताना ह्याने फक्त एकच कोटी मागावे ? मराठी माणसाला कधी विशाल महत्वाकांक्षा येणार अशाने ?
हजार चोर दरवडेखोर सुटले तरी चालतील, पण महाराष्ट्र पोलीसांचा असा अपमान करणार्‍या देशभ्रताराला (देशाच्या बायकोला), चांगलेच वठणीवर आणले पाहिजे. महाराष्ट्र पोलीसांचे ब्रीद-वाक्य निदान ह्याने तरी लक्षात ठेवायला हवे. "सत-रक्षणाय, खल-निग्रहणाय". म्हणजे सज्जनांचे रक्षण व खळांचे नियंत्रण करणारे हे पोलीस-दल आहे. तीन मुख्यमंत्री हे तर सज्जन आहेतच. ते आपले पैसे ज्याला इतक्या विश्वासाने गुंतवण्यासाठी देतात तो हसन अली ह्याला सज्जन वाटला नाही ? त्याला निलंबितच केले पाहिजे. अशा प्रामाणिक सती-सावित्रीचा आव आणणार्‍या अधिकार्‍यांना राजकारणी भ्रतारांचा इंगा दाखवलाच पाहिजे. अशा खळांना नियंत्रणात ठेवलेच पाहिजे. शिवाय एक कोटीच आणि तेही स्वत:साठीच मागतो काय ? घे आता मिळेल ते !
म्हणतात की जंगलचे राज्य असलेल्या ठिकाणी सुद्धा, जंगलात , वाघांच्या पंजांच्या ठशावरून त्याचा माग काढतात. वाघ किती आहेत, कुठे आहेत हे ताडतात. तसेच, सुशिक्षित समाजात ज्या घटना घडताहेत त्यावरून लोकांनी काळाची पाउले, ओळखायला हवीत व त्याप्रमाणे आपले विचार बदलायला हवेत ! म्हणजे, म्हणजे,...वाघाचे पंजे !
---------अरूण अनंत भालेराव
arunbhalerao67@gmail.com
----------------------------------------------------------------------------------------------------------------------------
वाघाचे पंजे---८
हसन-अली ह्या पुण्याच्या घोडेव्यापार्‍याला दोन वर्षांपूर्वी अटक करून त्याची जबानी चित्रित करणार्‍या एका पोलीस अधिकार्‍याला निलंबित करण्यात आले आहे. ज्या हसन अलीने ७०हजार कोटीचा नुसता कर बुडवला आहे व स्विस बॅंकेत ८ बिलियन डॉलर जमा केले आहेत, त्याच्यावर सर्वोच्च न्यायालय कारवाई करीत आहे. ह्या हसन अलीला दोन वर्षापूर्वी अटक करून त्याची जबानी चित्रित करणार्‍या महाराष्ट्राच्या एका पोलीस अधिकार्‍याला नुकतेच निलंबित करण्यात आले आहे. त्याचे नाव आहे देशभ्रतार.
भ्रतार म्हणजे नवरा. देशभ्रतार म्हणजे देशच ज्यांचा नवरा आहे तो . म्हणजे देशाची बायकोच. तर बायको कशी बायको सारखी हवी. तिने खालच्या मानेने घरकाम, चूल-मूल पहावे. नेमलेला बंदोबस्त, मंत्र्यांच्या ताफ्याला सुरक्षा, येता जाता मुजरा, सांगितलेल्या पकड, चौकशी कर, असे नेहमीची कामे पहावीत . बाहेरच्या भानगडीत तिने कशाला पडावे. हसन-अली ह्याला केंद्र सरकारचे ई-डी खाते ७०हजार कोटीचा कर बुडवला म्हणून कारवाई करीत आहे. हिने त्यात कशाला पडावे ? बरे पडलेच तर राजरोस मुलाखतीची सीडी काढून त्याचा पुरावा कशाला ठेवावा ? बाई माणसाने स्वत:ची अक्कल कशाला चालवावी ? कोणत्या तीन मुख्यमंत्र्यांचे पैसे तो हवाला मार्गे गुंतवीत होता, हे काय पोलीसांचे काम आहे का ? त्यांनी कसे "बंदोबस्त" म्हटले की बंदोबस्त करावा. गृहमंत्री कोणाला व कशाला पोलीस कमिश्नर म्हणून नेमत आहेत हे त्याला पाहण्याची काय गरज होती ? आणि वर मागून मागून लाच मागितली ती सुद्धा किती ? तर फक्त एक कोटी ! अशाने आधीच पांडू हवालदाराचा एवढुसा असलेला , मान , कमी होतो ना ! बरे हसन अली किती लाख कोटींचा मालक आहे हे ह्याला माहीत असताना ह्याने फक्त एकच कोटी मागावे ? मराठी माणसाला कधी विशाल महत्वाकांक्षा येणार अशाने ?
हजार चोर दरवडेखोर सुटले तरी चालतील, पण महाराष्ट्र पोलीसांचा असा अपमान करणार्‍या देशभ्रताराला (देशाच्या बायकोला), चांगलेच वठणीवर आणले पाहिजे. महाराष्ट्र पोलीसांचे ब्रीद-वाक्य निदान ह्याने तरी लक्षात ठेवायला हवे. "सत-रक्षणाय, खल-निग्रहणाय". म्हणजे सज्जनांचे रक्षण व खळांचे नियंत्रण करणारे हे पोलीस-दल आहे. तीन मुख्यमंत्री हे तर सज्जन आहेतच. ते आपले पैसे ज्याला इतक्या विश्वासाने गुंतवण्यासाठी देतात तो हसन अली ह्याला सज्जन वाटला नाही ? त्याला निलंबितच केले पाहिजे. अशा प्रामाणिक सती-सावित्रीचा आव आणणार्‍या अधिकार्‍यांना राजकारणी भ्रतारांचा इंगा दाखवलाच पाहिजे. अशा खळांना नियंत्रणात ठेवलेच पाहिजे. शिवाय एक कोटीच आणि तेही स्वत:साठीच मागतो काय ? घे आता मिळेल ते !
म्हणतात की जंगलचे राज्य असलेल्या ठिकाणी सुद्धा, जंगलात , वाघांच्या पंजांच्या ठशावरून त्याचा माग काढतात. वाघ किती आहेत, कुठे आहेत हे ताडतात. तसेच, सुशिक्षित समाजात ज्या घटना घडताहेत त्यावरून लोकांनी काळाची पाउले, ओळखायला हवीत व त्याप्रमाणे आपले विचार बदलायला हवेत ! म्हणजे, म्हणजे,...वाघाचे पंजे !
---------अरूण अनंत भालेराव
arunbhalerao67@gmail.com
----------------------------------------------------------------------------------------------------------------------------
शुक्रवार, २५ फेब्रुवारी, २०११
वाघाचे पंजे-----७
शिवानंदांचे शिव शिव !
शिवानंदन ह्यांची ख्याती चांगलीच आहे. त्यामुळे ते परवा बोलले ते का व कशासाठी हा प्रश्न पडतोय का ? तर जंगलात आपण जसे आधी वाघाच्या पंजांचे ठसे तपासतो व मग कोणता वाघ कुठे असेल ते सांगतो, तसे काही "ठसे" पाहू.
सोनवणे ह्या अधिकार्‍याला तेल-माफियावाल्यांनी का जाळून मारले ते एव्हाना आपल्याला कळलेच आहे. तेल-माफिया अस्तित्वात आहे व चांगला रगड धडधाकट आहे, हे तर आपल्याला पटलेलेच असते. तशात सोनवणे हे काही फार धुतल्या तांदुळाच्या प्रतिमेचे होते ( अशी काही प्रतिमा असते ह्यावरच सध्या संशय वाटतो आहे ! ) अशातले नाही. तेव्हा ते वसूलीसाठी गेले असावेत हेही संभवनीय आहे. त्यातून हे जळित प्रकरण झाले असावे. असे आपल्याला वाटते ना वाटते तोच शिवानंदन ह्यांनी दुसरेच अस्त्र परजले आहे. ते म्हणतात मुळात ह्या तेल-वाळू-माफियांविरुद्ध तुम्ही कारवाई करू नका असा सरकारनेच पोलिसांना आदेश काढलेला आहे. म्हणजे हे कुरण कलेक्टर व महसूल अधिकार्‍यासाठी राखीव आहे, असाच त्याचा सरळ अर्थ निघतो. मग पोलीसांनी धाडी टाकल्या, काही लोकांना पकडले अशा बातम्या प्रसृत झाल्या त्या कशा ? तर शिवानंदन म्हणतात, अहो तो सगळा बनाव होता ! तुम्हा आम्हाला बनवण्यासाठी !
आता राजकारणी असे बनेल आहेत, हे तर आपल्याला माहीतच आहे. ते तर आपल्याला लगेच पटतेही. पण हे शिवानंदन साहेब, इतके बेधडक कसे बोलताहेत ? त्यांना भीती कशी नाही वाटत ?
तर ही बातमी बघा : आता २८ फेब्रुवारीला शिवानंदन साहेब निवृत्त होत आहेत !
चला निवृत्त होताना का होईना वाघाला तो वाघ होता हे कळले हेही नसे थोडके !
-----अरुण अनंत भालेराव
arunbhalerao67@gmail.com
शिवानंदांचे शिव शिव !
शिवानंदन ह्यांची ख्याती चांगलीच आहे. त्यामुळे ते परवा बोलले ते का व कशासाठी हा प्रश्न पडतोय का ? तर जंगलात आपण जसे आधी वाघाच्या पंजांचे ठसे तपासतो व मग कोणता वाघ कुठे असेल ते सांगतो, तसे काही "ठसे" पाहू.
सोनवणे ह्या अधिकार्‍याला तेल-माफियावाल्यांनी का जाळून मारले ते एव्हाना आपल्याला कळलेच आहे. तेल-माफिया अस्तित्वात आहे व चांगला रगड धडधाकट आहे, हे तर आपल्याला पटलेलेच असते. तशात सोनवणे हे काही फार धुतल्या तांदुळाच्या प्रतिमेचे होते ( अशी काही प्रतिमा असते ह्यावरच सध्या संशय वाटतो आहे ! ) अशातले नाही. तेव्हा ते वसूलीसाठी गेले असावेत हेही संभवनीय आहे. त्यातून हे जळित प्रकरण झाले असावे. असे आपल्याला वाटते ना वाटते तोच शिवानंदन ह्यांनी दुसरेच अस्त्र परजले आहे. ते म्हणतात मुळात ह्या तेल-वाळू-माफियांविरुद्ध तुम्ही कारवाई करू नका असा सरकारनेच पोलिसांना आदेश काढलेला आहे. म्हणजे हे कुरण कलेक्टर व महसूल अधिकार्‍यासाठी राखीव आहे, असाच त्याचा सरळ अर्थ निघतो. मग पोलीसांनी धाडी टाकल्या, काही लोकांना पकडले अशा बातम्या प्रसृत झाल्या त्या कशा ? तर शिवानंदन म्हणतात, अहो तो सगळा बनाव होता ! तुम्हा आम्हाला बनवण्यासाठी !
आता राजकारणी असे बनेल आहेत, हे तर आपल्याला माहीतच आहे. ते तर आपल्याला लगेच पटतेही. पण हे शिवानंदन साहेब, इतके बेधडक कसे बोलताहेत ? त्यांना भीती कशी नाही वाटत ?
तर ही बातमी बघा : आता २८ फेब्रुवारीला शिवानंदन साहेब निवृत्त होत आहेत !
चला निवृत्त होताना का होईना वाघाला तो वाघ होता हे कळले हेही नसे थोडके !
-----अरुण अनंत भालेराव
arunbhalerao67@gmail.com
शनिवार, ५ फेब्रुवारी, २०११
वाघाचे पंजे---६
ई-जप्त !
रस्ता कुठे जात नाही नि येत नाही, पण आपण म्हणतो हा राजरस्ता आहे. हा तुम्हाला राजाकडे घेऊन जाईल. राजा धूर्त असेल तर तो रस्त्यांच्या चौकींवर, वळणांवर नाकेबंदी करील व सर्वांना परतवून लावील व मग आपण जो राजरस्ता धरला होता तो आपल्याला परत आणून सोडेल. रस्त्यावर !
रस्ता कधी लाभतो तर कधी लाभतही नाही. महात्मा गांधींनी "चले जाव" म्हणून आपल्याला रस्त्यावरच खेचले होते व त्याला इंग्रजही घाबरलेच होते. मुंबईत एक फाटका माणूस, जॉर्ज फर्नांडिस, हवे तेव्हा लोकांना रस्त्यावर आणी , बंद पुकारी व हवे ते पदरात पाडून घेई. ज्या रस्त्याने त्याला हे मिळवून दिले त्यानेच मग कंटाळून त्याच रस्त्यावरून त्याला पिटाळलेही. इतके की आजकाल कोणीही मोर्चे काढतच नाही. रस्ता अडवून पाहणारे शेतकरी तर आजकाल रस्त्यावर न येता, शेतातच एंड्रीन पिऊन....
आता ईजिप्तचे रस्ते हे अनुभवू लागले आहेत.
एक बाई व्हीडीओ पाठवते लोकांना की आता खूप झाले मी चाललेय तहरीर चौकात, मुबारक गेले पाहिजेत म्हणायला, तुम्ही पण या आणि मग १५ दिवस लाखो माणसं तिथे जातात, मुबारक म्हणतात बर, बर आता मी राज्य सोडतो. तर हे ईजिप्त प्रकरण तसे खूपच पेटले म्हणायचे ! पण थांबा ! अमेरिकेला मिलिटरीला काहीतरी विकायचे असेल, तेल घ्यायचे असेल, जगाला त्याचे काही नसेल व पाहता पाहता मिलिटरीतला दुसरा कोणी येईल व ईजिप्तचे रस्ते परत पिरॅमिडसारखे ममीज मिरवायला लागतील.....
भाजपला वाटते समजा असेच आपण रस्ता-भरून माणसे रस्त्यावर आणली तर सोनियांना पायउतार करू शकू ? पण रस्त्याचे मानसशास्त्र मोठे अजब असते. नुकतेच त्यांनी काश्मीरात तिरंगा मोर्चा काढला होता. रस्ता बर्‍यापैकी भरलेला होता. पण काय झाले ? भारतातला रस्ता आता थकला आहे. गुज्जर लोकांनी कित्येक वेळा रस्ते अडवून भरवून झाले, पण आरक्षण काही त्यांना मिळत नाहीय. कारण रस्ता आता थकला आहे. इराणमध्ये हे लोकांनी कित्येक महिने करून पाहिले . शेवटी तिथले रस्तेही थकले.
रस्त्यावरचा माणूस हुशार ( स्ट्रीट स्मार्ट ) होतोच. रस्ताच त्याला स्मार्ट करतो. मुंबईत रोजच लाखो माणसं इकडचे तिकडे जातात. त्यांनी ठरवून ते केले तर कोणाच्या लक्षातही येणार नाही. स्मार्ट माणूस न जाऊनच ( बंद ) काय पाहिजे ते मिळवेल. त्याला माहीत आहे की समजा तो म्हणाला की सोनियाला घालवा, तर त्या जाऊन दुसरे कोणी तरी येईल, आपण मात्र आहोत तिथेच रस्त्यावर राहू. ह्या भरवशावरच तो आता कोणत्याही रस्त्यावर उतरत नाहीय. रस्ता थकलाय, रस्त्यावरचा माणूसही थकलाय !
रस्ता "प्रकरण" लवकरच जप्त होईल, तेव्हाच तो खरा ई-जप्त होईल ! ई-जप्त तुम आगे बढो, हम तुम्हारे ....
-----अरुण अनंत भालेराव
arunbhalerao67@gmail.com
ई-जप्त !
रस्ता कुठे जात नाही नि येत नाही, पण आपण म्हणतो हा राजरस्ता आहे. हा तुम्हाला राजाकडे घेऊन जाईल. राजा धूर्त असेल तर तो रस्त्यांच्या चौकींवर, वळणांवर नाकेबंदी करील व सर्वांना परतवून लावील व मग आपण जो राजरस्ता धरला होता तो आपल्याला परत आणून सोडेल. रस्त्यावर !
रस्ता कधी लाभतो तर कधी लाभतही नाही. महात्मा गांधींनी "चले जाव" म्हणून आपल्याला रस्त्यावरच खेचले होते व त्याला इंग्रजही घाबरलेच होते. मुंबईत एक फाटका माणूस, जॉर्ज फर्नांडिस, हवे तेव्हा लोकांना रस्त्यावर आणी , बंद पुकारी व हवे ते पदरात पाडून घेई. ज्या रस्त्याने त्याला हे मिळवून दिले त्यानेच मग कंटाळून त्याच रस्त्यावरून त्याला पिटाळलेही. इतके की आजकाल कोणीही मोर्चे काढतच नाही. रस्ता अडवून पाहणारे शेतकरी तर आजकाल रस्त्यावर न येता, शेतातच एंड्रीन पिऊन....
आता ईजिप्तचे रस्ते हे अनुभवू लागले आहेत.
एक बाई व्हीडीओ पाठवते लोकांना की आता खूप झाले मी चाललेय तहरीर चौकात, मुबारक गेले पाहिजेत म्हणायला, तुम्ही पण या आणि मग १५ दिवस लाखो माणसं तिथे जातात, मुबारक म्हणतात बर, बर आता मी राज्य सोडतो. तर हे ईजिप्त प्रकरण तसे खूपच पेटले म्हणायचे ! पण थांबा ! अमेरिकेला मिलिटरीला काहीतरी विकायचे असेल, तेल घ्यायचे असेल, जगाला त्याचे काही नसेल व पाहता पाहता मिलिटरीतला दुसरा कोणी येईल व ईजिप्तचे रस्ते परत पिरॅमिडसारखे ममीज मिरवायला लागतील.....
भाजपला वाटते समजा असेच आपण रस्ता-भरून माणसे रस्त्यावर आणली तर सोनियांना पायउतार करू शकू ? पण रस्त्याचे मानसशास्त्र मोठे अजब असते. नुकतेच त्यांनी काश्मीरात तिरंगा मोर्चा काढला होता. रस्ता बर्‍यापैकी भरलेला होता. पण काय झाले ? भारतातला रस्ता आता थकला आहे. गुज्जर लोकांनी कित्येक वेळा रस्ते अडवून भरवून झाले, पण आरक्षण काही त्यांना मिळत नाहीय. कारण रस्ता आता थकला आहे. इराणमध्ये हे लोकांनी कित्येक महिने करून पाहिले . शेवटी तिथले रस्तेही थकले.
रस्त्यावरचा माणूस हुशार ( स्ट्रीट स्मार्ट ) होतोच. रस्ताच त्याला स्मार्ट करतो. मुंबईत रोजच लाखो माणसं इकडचे तिकडे जातात. त्यांनी ठरवून ते केले तर कोणाच्या लक्षातही येणार नाही. स्मार्ट माणूस न जाऊनच ( बंद ) काय पाहिजे ते मिळवेल. त्याला माहीत आहे की समजा तो म्हणाला की सोनियाला घालवा, तर त्या जाऊन दुसरे कोणी तरी येईल, आपण मात्र आहोत तिथेच रस्त्यावर राहू. ह्या भरवशावरच तो आता कोणत्याही रस्त्यावर उतरत नाहीय. रस्ता थकलाय, रस्त्यावरचा माणूसही थकलाय !
रस्ता "प्रकरण" लवकरच जप्त होईल, तेव्हाच तो खरा ई-जप्त होईल ! ई-जप्त तुम आगे बढो, हम तुम्हारे ....
-----अरुण अनंत भालेराव
arunbhalerao67@gmail.com
सोमवार, ३ जानेवारी, २०११
वाघाचे पंजे---५
"धूम-२.....टू इटाली..."
इंदिरा गांधींच्या हातून जेव्हा सत्ता गेली तेव्हा सोनिया गांधी मुलाबाळासकट व राजीव गांधीसोबत दिल्लीतल्या इटालियन दूतावासात आश्रयाला गेल्या होत्या. एवढेच नव्हे तर ते सगळे तिथे तीन चार दिवस मुक्कामाला होते. उघडच त्यांना इटालीला जाणे ज्यास्त सुरक्षित वाटले असेल तेव्हा. म्हणतात की तेव्हा राजीव गांधी ह्यासाठी तयार नव्हते पण त्यांचा पहिल्यांदा तरी नाईलाज झाला होता.
आता ह्या बोफोर्सच्या लाचेवर टॅक्स आकारण्याच्या निकालाने त्यांच्यावर परत अशी पाळी येईल का ? त्या परत केव्हा पळून जाण्याचा विचार करतील ?
ह्या निकालाने लाच दिल्या गेली होती हे कळाले तरी ती कोणाला दिली गेली होती त्यात त्यांचे नाव येत नाही. किंवा राजीव गांधींचेही नाव येत नाही. त्यामुळे कायद्याने उद्याच अटक होईल अशी काही परिस्थिती नाही. पण हळू हळू पकड ढीली पडतेय हे मात्र दिसते आहे.
आंध्रातला जगन खरे तर एवढासा पोर. पण त्यानेही विरुद्ध जाऊन काहूर पेटविले. पोस्टर्स जाळली, निषेध केला. म्हणजे आंध्रातली सत्ता गेल्यातच जमा आहे. आता ती सांभाळायची म्हणजे बराच पैसा ओतावा लागणार. त्यापेक्षा तो खर्चच न करता परस्पर....
तरी बरे की राजा व राडिया ला अजून पकडलेले नाही. त्यांनी जर सुब्रह्मण्यम स्वामी सारखे सांगायला सुरुवात केली तर मोठी पंचाईत यायची. पाठींबा काढू नये म्हणून करुणाच भाकावी लागेल. त्यासाठी त्यांना शक्य तो मोकळेच ठेवावे लागेल. कलमाडींनीही चुपच बसावे तर त्यांनाही वेळ द्यावा लागेल. म्हणजे एकूण अजून खूप वेळ काढायचा आहे. नंतर अंगलट आले तर बघू.....
पहिल्याच जेपीसीचे भूत बोफोर्समधून प्रकट होतेय, तर दुसरी जेपीसी मंजूर केली तर निकालच लागला म्हणायचा. बरे इमानदारीने कोणावर भिस्त ठेवावी अशी माणसेही आजकाल भोवती नाहीत. प्रणबदांना मधनं मधनं राजीवजींच्या वेळेस मिळालेला प्रसाद आठवतो की काय कोण जाणे, कारण तेही आजकाल थोडे आशाळभूत झाल्यासारखे दिसताहेत. बिहार गेले, अजून काय काय जातेय कोण जाणे....तोपर्यंत थांबावे की ?.....बेनजीर, मुशर्रफ सारखी आधीच व्यवस्था करून ठेवावी ? धूम-२.....टू इटाली....करावे ?
"धूम-२.....टू इटाली..."
इंदिरा गांधींच्या हातून जेव्हा सत्ता गेली तेव्हा सोनिया गांधी मुलाबाळासकट व राजीव गांधीसोबत दिल्लीतल्या इटालियन दूतावासात आश्रयाला गेल्या होत्या. एवढेच नव्हे तर ते सगळे तिथे तीन चार दिवस मुक्कामाला होते. उघडच त्यांना इटालीला जाणे ज्यास्त सुरक्षित वाटले असेल तेव्हा. म्हणतात की तेव्हा राजीव गांधी ह्यासाठी तयार नव्हते पण त्यांचा पहिल्यांदा तरी नाईलाज झाला होता.
आता ह्या बोफोर्सच्या लाचेवर टॅक्स आकारण्याच्या निकालाने त्यांच्यावर परत अशी पाळी येईल का ? त्या परत केव्हा पळून जाण्याचा विचार करतील ?
ह्या निकालाने लाच दिल्या गेली होती हे कळाले तरी ती कोणाला दिली गेली होती त्यात त्यांचे नाव येत नाही. किंवा राजीव गांधींचेही नाव येत नाही. त्यामुळे कायद्याने उद्याच अटक होईल अशी काही परिस्थिती नाही. पण हळू हळू पकड ढीली पडतेय हे मात्र दिसते आहे.
आंध्रातला जगन खरे तर एवढासा पोर. पण त्यानेही विरुद्ध जाऊन काहूर पेटविले. पोस्टर्स जाळली, निषेध केला. म्हणजे आंध्रातली सत्ता गेल्यातच जमा आहे. आता ती सांभाळायची म्हणजे बराच पैसा ओतावा लागणार. त्यापेक्षा तो खर्चच न करता परस्पर....
तरी बरे की राजा व राडिया ला अजून पकडलेले नाही. त्यांनी जर सुब्रह्मण्यम स्वामी सारखे सांगायला सुरुवात केली तर मोठी पंचाईत यायची. पाठींबा काढू नये म्हणून करुणाच भाकावी लागेल. त्यासाठी त्यांना शक्य तो मोकळेच ठेवावे लागेल. कलमाडींनीही चुपच बसावे तर त्यांनाही वेळ द्यावा लागेल. म्हणजे एकूण अजून खूप वेळ काढायचा आहे. नंतर अंगलट आले तर बघू.....
पहिल्याच जेपीसीचे भूत बोफोर्समधून प्रकट होतेय, तर दुसरी जेपीसी मंजूर केली तर निकालच लागला म्हणायचा. बरे इमानदारीने कोणावर भिस्त ठेवावी अशी माणसेही आजकाल भोवती नाहीत. प्रणबदांना मधनं मधनं राजीवजींच्या वेळेस मिळालेला प्रसाद आठवतो की काय कोण जाणे, कारण तेही आजकाल थोडे आशाळभूत झाल्यासारखे दिसताहेत. बिहार गेले, अजून काय काय जातेय कोण जाणे....तोपर्यंत थांबावे की ?.....बेनजीर, मुशर्रफ सारखी आधीच व्यवस्था करून ठेवावी ? धूम-२.....टू इटाली....करावे ?
रविवार, २६ डिसेंबर, २०१०
वाघाचे पंजे---४
"मराठीत चांगली राजकीय कादंबरी नाही हा उत्तम विश्वास !"
वाद जसे माणसांचे स्वभाव दाखवतात तसेच भाषा व बोलणे त्यामागचे बरेच काही दाखवते. मराठीत चांगले राजकारणच झाले नाही, तर तिथे चांगली राजकीय कादंबरी कशी असणार ? हिमालयाच्या हाकेला सह्याद्री आतापावेतो धावून गेलेला आहे, पण त्याला तख्ताची खुर्ची ( राष्ट्रपतीपद सोडून ) काही कधी नशीब झाली नाही. सदानंद मोरे तर म्हणतात की हे इतिहासापासून होत आले आहे कारण महाराष्ट्राने त्यावेळी गांधींना विरोधच केला. ( त्यांच्या बद्दल नितांत आदर असूनही ! ).चांगले राजकारण म्हणजे चांगल्या राजकारण्यांचे चांगले काम असे जर अभिप्रेत असेल व त्यांचे प्रतिबिंब साहित्यात पडावे असे अध्यक्षांना वाटत असेल तर ते एक उत्तम वाटणे निश्चितच आहे. ह्यामागची नंतर कळून येणारी चाहूल अशी असू शकते की नुकतेच राष्ट्रपतींबरोबर परदेश दौरे करून आलेले अध्यक्ष आता राजकारण्यांवर ( चांगल्या राजकारण्यावर ) कादंबरीच लिहिणार आहेत. जसे पवार साहेबांवर !
आता हे जंगलचे पंजांवरूनचे भाकीत कशावरून तर अध्यक्षांनी फुले, आंबेडकरांच्या बरोबरच अन्नदात्या सकाळलाही नमनाचा सलाम केला त्यावरून. शिवाय आताशी पवार साहेबांवर पुस्तके निघणे अपार महत्वाचे झाले असावे व तसे ते सुरूही झाले आहे. तर असल्या चांगल्या राजकीय कादंबरीची सुपारी खरेतर विश्वासाच्या अंगाने विचार केला तर ती विश्वासरावांना द्यायला हवी होती. पण ते झाडाझडती घेऊन पानीपत करतात असे इतिहास सांगतो ! आणि नेमाडे आपल्याच कोशात राहणारा कोसला !
खेडेगावात कांबळे वापरण्याची पद्धत आहे ती ते घोंगडे कसे पटकन कुठेही अंथरता येते, कोणावरही पांघरून टाकता येते ह्या सोयीसाठी. त्यात ते कायम खांद्यावर बाळगले तर ते भिजत घोंगडे राहात नाही. तर अशा कांबळ्यांचा चांगल्या राजकारण्यांना ज्यास्त भरवसा येणारच. आणि भरवशाची म्हैस टोणगा देत नाही. म्हणून राजकीय कादंबरी द्यावी ती अध्यक्षांनाच. तेच कांबळे उत्तम !
माणसांचे हल्लीचे कर्तृत्व कमी झाले की ती इतिहासाकडे वळतात. शालेय भांडणात सुद्धा आपला जोर कमी वाटायला लागला की नाही का आपण दम भरत, "बघ हं, तुला माहीत नाही की माझे वडील कमिशनर होते !" तर असे आपण इतिहासाकडे वळतो. एखाद्याचे शिक्षण, हुशारी पाहून दुसर्‍याला असूया वाटू लागली की मग तो म्हणायला लागतो की पूर्वी हे शिवाजीचे गुरू नव्हतेच, हटवा त्यांचा पुतळा ! हटवा त्यांचे स्टेडियम !
सदाशिव पेठ विद्वत्तेसाठी जाणवावी तर ती आता चांगल्या मटणासाठी आहे, हे असेच डाव्या हाताने दिलेली, सध्याच्या सदाशिवांची शाबासकी ठरू शकते ! हे उकरून न काढता चला पेटवू सारे रान अशी मराठी हाक कोणी देईल तर ते होईल खरे चांगले राजकारण ! एरव्ही हे ठसे दाखवतात हिंस्त्र श्वापदांचा वावर व गुरगुरणे !
"मराठीत चांगली राजकीय कादंबरी नाही हा उत्तम विश्वास !"
वाद जसे माणसांचे स्वभाव दाखवतात तसेच भाषा व बोलणे त्यामागचे बरेच काही दाखवते. मराठीत चांगले राजकारणच झाले नाही, तर तिथे चांगली राजकीय कादंबरी कशी असणार ? हिमालयाच्या हाकेला सह्याद्री आतापावेतो धावून गेलेला आहे, पण त्याला तख्ताची खुर्ची ( राष्ट्रपतीपद सोडून ) काही कधी नशीब झाली नाही. सदानंद मोरे तर म्हणतात की हे इतिहासापासून होत आले आहे कारण महाराष्ट्राने त्यावेळी गांधींना विरोधच केला. ( त्यांच्या बद्दल नितांत आदर असूनही ! ).चांगले राजकारण म्हणजे चांगल्या राजकारण्यांचे चांगले काम असे जर अभिप्रेत असेल व त्यांचे प्रतिबिंब साहित्यात पडावे असे अध्यक्षांना वाटत असेल तर ते एक उत्तम वाटणे निश्चितच आहे. ह्यामागची नंतर कळून येणारी चाहूल अशी असू शकते की नुकतेच राष्ट्रपतींबरोबर परदेश दौरे करून आलेले अध्यक्ष आता राजकारण्यांवर ( चांगल्या राजकारण्यावर ) कादंबरीच लिहिणार आहेत. जसे पवार साहेबांवर !
आता हे जंगलचे पंजांवरूनचे भाकीत कशावरून तर अध्यक्षांनी फुले, आंबेडकरांच्या बरोबरच अन्नदात्या सकाळलाही नमनाचा सलाम केला त्यावरून. शिवाय आताशी पवार साहेबांवर पुस्तके निघणे अपार महत्वाचे झाले असावे व तसे ते सुरूही झाले आहे. तर असल्या चांगल्या राजकीय कादंबरीची सुपारी खरेतर विश्वासाच्या अंगाने विचार केला तर ती विश्वासरावांना द्यायला हवी होती. पण ते झाडाझडती घेऊन पानीपत करतात असे इतिहास सांगतो ! आणि नेमाडे आपल्याच कोशात राहणारा कोसला !
खेडेगावात कांबळे वापरण्याची पद्धत आहे ती ते घोंगडे कसे पटकन कुठेही अंथरता येते, कोणावरही पांघरून टाकता येते ह्या सोयीसाठी. त्यात ते कायम खांद्यावर बाळगले तर ते भिजत घोंगडे राहात नाही. तर अशा कांबळ्यांचा चांगल्या राजकारण्यांना ज्यास्त भरवसा येणारच. आणि भरवशाची म्हैस टोणगा देत नाही. म्हणून राजकीय कादंबरी द्यावी ती अध्यक्षांनाच. तेच कांबळे उत्तम !
माणसांचे हल्लीचे कर्तृत्व कमी झाले की ती इतिहासाकडे वळतात. शालेय भांडणात सुद्धा आपला जोर कमी वाटायला लागला की नाही का आपण दम भरत, "बघ हं, तुला माहीत नाही की माझे वडील कमिशनर होते !" तर असे आपण इतिहासाकडे वळतो. एखाद्याचे शिक्षण, हुशारी पाहून दुसर्‍याला असूया वाटू लागली की मग तो म्हणायला लागतो की पूर्वी हे शिवाजीचे गुरू नव्हतेच, हटवा त्यांचा पुतळा ! हटवा त्यांचे स्टेडियम !
सदाशिव पेठ विद्वत्तेसाठी जाणवावी तर ती आता चांगल्या मटणासाठी आहे, हे असेच डाव्या हाताने दिलेली, सध्याच्या सदाशिवांची शाबासकी ठरू शकते ! हे उकरून न काढता चला पेटवू सारे रान अशी मराठी हाक कोणी देईल तर ते होईल खरे चांगले राजकारण ! एरव्ही हे ठसे दाखवतात हिंस्त्र श्वापदांचा वावर व गुरगुरणे !
याची सदस्यत्व घ्या:
पोस्ट (Atom)